بقلم… بدرية محمود

 

 

رجاله خاينه بطبعها

تكدب وتبرر الغلط

واخدينها لهو وبرطعه

ودماغهم انشف م الزلط

داير يحور ع المزز

و يقولها

ان المرحومه سايبه

فى قلبه فراغ كبير

ومراته نايمه جنبه

يااخوانا ع السرير

وعاملى فيها الدونجوان

فينك ياستى من زمان

سعيد بشوفت حضرتك

خيطتى فى قلبي الغرز

واللى يااخوانا يقولها

اصلى مطلق

من زمان

وقلبي ناقصه هشتكه

واما لقى صورتك بكى

ومراته قاعده بالعيال

بالذمه ده يصح ويجوز

ملعونه اللى تصدقه

واللى تهاوده وتعرفه

وتعيش معاه

فى دايره من غش

وحرام

ملعون جنابكم كلكو

لو ده هيبقى نهجكم

يبقى على الدنيا

السلام

سلام على الاخلاق

وع الضمير

سلام

على اللى مش هايشوفوا

ابدا أى خير

سلام

على الآمان فى كوكب

الانحطاط

بكره ها تُقع فى الشرك

من جنس فعلك بالتمام

وتبقى ليلتك ياهمام

ولا حد هايسمى عليك

بكره راح نسمع صياحك

بالشفا ياعم ديك