يقدمها لكم :سعيد حسني امام وخطيب ومدرس بالاوقاف

السلام عليكم ورحمة الله وبركاته أحبتى وأصدقائى والسؤال اليوم هو ازاى اعرف ان ربنا راضى عنى ؟خلى بالك معايامن دعاء اهل الجنه بعد ما يدخلوها فى سورة الاعراف.الحمد لله الذى هدانا لهذا وما كنا لنهتدى لولا أن هدانا الله.فلولا ان ربنا حرك رجلك للجامع مكنتش هتروح الجامع لولا ان ربنا سبحانه وتعالى حرك لسانك لذكره مكنتش هتقرأ قرآن إن الله حبب إليكم الإيمان وزينه فى قلوبكم وكره إليكم الكفر والفسوق والعصيان فإذن الترمومتر اللى بيقيس رضا ربنا عنك هو انك تعمل حسنات وحب ربنا ليك هيتناسب طرديا ويزيد مع كثرة الحسنات طب ايه الحل بقى عشان ربنا يدى الإذن لأعضائى إنها تتحرك لفعل الحسنات ؟سؤال وجيه ومهم جدا الحل يا جماعةفى الحديث القدسى يا عبادى كلكم ضال إلا من هديته.طب بردواايه الحل عشان ناخد الهداية دى من ربنا تيجى تكمله الحديث فاستهدونى أهدكم يعنى اطلبوا الهداية منى بالدعاء وأنا هستجيب واهديكم وعشان كده كان الرسول بيدعى ان ربنا يوفقه لفعل الطاعات لما كان بيقول اللهم أعنى على ذكرك وشكرك وحسن عبادتك أعاننا الله على ذكره وشكره وحسن عبادته وأحبكم في الله.