موعظــة بالعامية
- اخبار , برلمان وسياسة واحزاب
- 30 يناير 2020
- d M Y
- 2188 مشاهدة
يقدمها لكم سعيد حسني امام وخطيب ومدرس بالاوقاف
السلام عليكم ورحمة الله وبركاته أحبتى وأصدقائى وفى الاعادة افادة دى مجموعة نصايح كنت قلتهم قبل كده بس من باب التذكرة وبصراحة وبجد احنا كلنا وانا اولكم طبعا بنحتاج للتذكرة دى بين الحين والحين ربنا يذكرنا ما نسينا ويعلمنا ما جهلنا وينفعنا بما علمنا انه نعم المولى ونعم النصير وأبدأوأقول ماتجرحش ست عجوزة بتكررالكلام عشان حضرتك زهقت وانتى متجرحيش صاحبتك وتقوليلها مش هفرح بيكى بقى يلا شدى حيلك طب هى هتعمل إيه يعنى ومتجرحيش واحدة وتقوليلها معندكيش ولاد ليه إيه السبب اكيد طبعا ده فضول مش سند ومتجرحش حد قال كلمة إنجليزى غلط وتقوله هى بتتنطق كده مش كده إبن الناس بالمعاملة مش باللغات ومتجرحيش واحدة مطلقة او خطوبتها إتفسخت وكل شوية تقوليلها عاملة إيه النهاردة أنتى ليه تحسسيها بالضعف وانهاحالة.شاذة اصلا ومايبقاش جنبك تاكسى وإنت سايق ملاكى وكسرتوعلى بعض فتقوله إنت فاكرعربيتك ملاكى دى عليها اقساط ومتجرحش مراتك وتقولها إنتى تخنتى كده ليه قولها نفسى تبقى اجمل من كده وشجعها وكمان متساعدش حد قدام الناس وتفضحه قال يعنى عايز تبقى قدوة لغيرك لاطبعا المساعدة قدام ربنا مش الناس ومتقولش لزميلك هوإنت معندكش غير الطقم ده كل يوم دى مش فكاهة ده اسمه تطفل ومتحرجش طفلك قدام الناس وتزعقله علمه يبقى عزيز النفس قدام نفسه قبل الناس ولوجبت لحد هدية لاتصرإنه يفتحها قصاد الناس فى وقتها دى هدية ولا دعايا لواجب قمت به ولو قدمت لحد حاجة مش عارفها والحد ده سألك ده إسمه إيه ده متتفزلكش وتقوله معقولة مادقتوش قبل كده مش عارفه ده ضيافة ولا مظاهرولوكنت مع حد بيشترى لبس وإقترحت عليه لبس معين ماتفضلش تلح يشتريه حتى لو عاجبه مايمكن غالى عليه انت قول رأيك وخلاص والعكس كمان لو حد قالك على حاجة مش عجباك.إنه ده حلواوى ماتبصش له بقرف وتقوله إيه العك ده فلاح موووت خليك ذوق بأخلاقك قبل إستايلك فالملخص ماتجرحش ماتطفلش ماتتكبرش مش عشان بس إنت مايتعملش فيك كده من ناس تانية.لا لكن عشان الناس مش مستحملة وجع فوق وجعها وخف الناس شايلة ياماوعلى رأى فؤاد المهندس مش كده ولا ايه .وأخيرا بقى أحبكم فى الله.
أحدث التعليقات