بقلم: الكاتب الصحفي أحمد نبيل

يا أهل الترف والجاه! وياللي متسيس،
وخلاصة المعاناه! اسمعني انا كويس،
انا عقلي فين القاه؟ لما الحكيم هيس!
البيت دا اللي بناه! انا قلت له ياريس؛
جمعت لك قرشين! والباقي بالتقسيط!
تصبر عليا يومين ! وابني بقي كام حيط؛
والبنت والولدين ! صابرين علي التقريط!
يكفيكو شر الدين! هو الغني بالسيط؟
دا اناعمري كله شقيت! عشان ابني لولادي؛!
وياما ما اتعشيت ! وسنين كدا عادي؛
قالو لي انت نسيت! تدفع تعيش هادي!
بمرتبي وجريت ! ع الوحدة وانادي؟
قالو براءة سماح؛ لكن تجيب تاني!
ياصبر فين مفتاح! ودموعي سبقاني!
كام الف ليل وصباح ؟ ببني في وجداني!
والحلم بس براح! وحقيقته زنقاني؛
حدانا في الارياف ! بيسألوك مين ابوك؟
عايشنها بالاوصاف! والسيرة عز ملوك!
والاصل علو كتاف! مش كترمال وبنوك!
وبنيت لاني اخاف! اسيب ولادي هالوك؟
جايين تهدوني. ؟ من بعد ويل ومرار؟
دلوقتي فاكريني! وخدتوا فيا قرار؛!
مابشوفش بعنيا! وماعندي غيرالدار!
طب حتي عالجوني؟ قولو كلامكو هزار!
وانا اقول نصفتوني عمار يامصر عمار!!!