الرسالة الثانية( ٢ )” التوك توك”

كالعاده كنت منهمك في متابعه عده موضوعات وانا باشرب القهوه بتاعتي وإذ فجأه صوت ارتطام في الشارع وباستطلاع الأمر بالنظر لأنها كانت علي مقربه من القهوه اللي باجلس عليها وفي نفس الشارع اللي هو اتجاه واحد ، موتوسيكل بصندوق دخل في توك توك ، والتوك توك كان ماشي عكسي وخناقه والشارع اتفقل ، وطبعا سائق التوك دايما علي حق ومحدش عرف ياخد معاه موقف كونه ماشي عكسي والناس اتلمت وولاد الحلال اتدخلوا وحلوا المشكله وانتظم السير في الشارع ، عادي كل ده وبيحصل دايما ايه المشكله …….؟؟؟

المشكله كبيره فعلا

من منظور واقعي يعني مقارنه بسيطه بين الإيجابيات والسلبيات اولا المقارنه للتوك توك ومش لسائق التوك توك عشان اكيد فيهم ناس محترمه ومؤهلات عليا وعايزين يكلوا عيش مش دول الموضوع .

الموضوع التوك توك نفسه ايه فوائده…….!!!؟

وإيه الهدف من وجوده كا ظاهره في الشارع المصري كله مدن وقري المفروض انه بيقوم بتغطية الوصلات ما بين محطه مترو او باص في شارع عمومي يوصلك لحد بيتك في الحاره وممكن تكون فعلا مسافه وتكون معاك شيله تقيله اوست مسنه اوشيخ كبير تمام في ايجابيات تستدعي وجوده ..طب والسلبيات ..شوف حضرتك المرض اه والله.

التوك توك يجيب المرض

الواحد الحمد لله كان بيمشي تلات اربع محطات رايح جاي لتلبيه طلب او زياره صديق وكان المشي كفيل بتشغيل الدوره الدمويه واستعادة نشاط الجسم ومرونه المفاصل دلوقتي لوهاتمشي دقيقتين بتكسل وتركب توك توك ناهيك عن العشوائية في حاجه في علم النفس بتقول ان في سلوك جماعي معدي ذي الضحك ممكن حضرتك تكون قاعد في السينما او المسرح بتشاهد فيلم او مسرحيه وفي مشهد او افيه واللي جنبك ضحك تلقي الناس كلها بتضحك بما فيهم انت مع انك لو بتتفرج لوحدك ولو اتعاد المشهد او الافيه ميت مره مش هاتضحك وكذلك الخوف لو حضرتك قاعد في امان الله وبمبه فرقعت جمبك مش هاتهزك لكن لو في حد جنبك وفرقعت البمبه وقام جري هاتجري انت كمان ، وده بياخدنا لسياسه القطيع يعني تلقي توك توك ماشي عكسي تلقي وراه طابور والله ايشي موتوسيكل وميكروباص وملاكي والشارع يتقفل،  ناهيك عن نوعيه السائقين اللي باكد ان فيهم ناس محترمه، بس السواد الاعظم مش كويسين وبيتعملوا كانهم فريد شوقي الشارع وده برضوا سلوك معدي .

أين اجهزه الدوله…. ؟؟

بحثت عن عدد التاكاتك في مصر تقريبا من خمسه ونصف مليون لسته مليون طب ليه مايتعملهمش رخصه للقياده ورخصه للمركبه ورسوم طبعا .

كده الدوله دخلها رسوم هي في أمس الحاجة ليها وفي نفس الوقت احنا عرفنا بنتعامل مع مين وصاحب التوك توك هايخاف يديه لأي حد لانه هيبقي دخل المنظومه واترحمنا من العشوائية اللي ابتدت تعشش في دماغنا …واسف للاطاله .