بقلم/المستشار محمد سند 

علي فكره القهوة دي موضوع كبير بيقعد عليها خليط المجتمع العبقري وطوائف الشعب باختلاف ثقافتهم وطبقتهم الخليط العجيب ده صدقني عنده حلول لكل مشاكلنا او معظمها لانه جزء أصيل من المشكلة .

ومن علي القهوة بانقلك المشهد العبثي ده وانا بشرب القهوة وسارح في ملكوت الله قلت هو ايه اللي ممكن يحصل لو جمهور الكوره قرر يترك المدرجات وينزل يلعب هيبقي المشهد عامل ازاي اكيد هيبقي مشهد عبثي ..هيبقي مفيش قانون يحكم اللعبه ..وتقريبا ده اللي بيحصل دلوقتي.

مثلا السياسه والاحزاب السياسه اللي بتتناحر وتتنافس فيما بينها علي استقطاب أكبر عدد من الناس وفعلا ناس كتير بيشتغلوا في السياسه قاعدين طول اليوم ليل ونهار بيتكلموا في لا شئ ويخططوا للاشئ ويكسبوا لاشئ وتحول نشاط الحزب لعمل مجتمعي خدمي .. شنط رمضان.. وسرادق لبيع مستلزمات المدارس .. ودار المناسبات … وتحويل المسار الحقيقي للحزب الي جمعية اهلية وهو دوره الحقيقي قضيه الوعي لان أعضاء الاحزاب هم أقرب ما يكون من الشارع . لكن للأسف الشديد بعدوا تماما لدرجه ان المواطن نفسه بقي مش عايز يعرف حاجة .. وسابو الناس للي مش فاهم واللي مش مدرك واللي بيحط السم في العسل واللي بينفخ في الدخان .. وده وصلنا لحاله غريبه جدا الناس بالنهار بتصفق لانجازات علي صور في الفيس ونفس الناس بنفس الايد بتلطم طول الليل علي غلو الأسعار..غريبه والله. ولكن يظهر في الصورة من بعيد نماذج عندها وعي كامل بتشتغل وتضحي في صمت ولهم مني تحيه تقدر واجلال واحترام .. تحيا مصر..تحيا مصر لكل خريج مؤهلات عليا وبيسوق تكتك او شغال في قهوه او في مهنه وصنعه.. تحيا مصر..لكل جندي علي الحدود واقف يحمي الوطن وهو يعلم أن في هذه اللحظه اقرانه منهم من يجلس في كافيه او حاجز ملعب كوره او في مسرح او سينما او يشاهد مباره ويعلم أيضا ان هناك الطالب في مدرسته والعامل في مصنعه والأم في بيتها ويعلم ان هناك من يستحق أن يضحي بوقته ومجهوده ومتعته بل وروحه أيضا اذا استدعي الامر لذلك تحيه للوعي .

الوعي بما يعج به العالم من احداث متلاحقه بلا هواده ..وهذه الأحداث العالميه بلا شك لها آثار سلبيه علي العالم اجمع ..الوعي ..قضيه التفاف حول القائد والزعيم .

واحنا ولاد البلد لا يمكن أن ننسي ان هذا الرجل وضع روحه علي كفه لحمايه الوطن من الفرقه والانقسام..مفيش حل تاني يصعبها علي اي حد غير اننا نبقي واحد .. علي قلب رجل واحد وتحت علم واحد علم اكبر من اي نادي او حزب او كيان اوشركه مصر اكبر م الجميع تحيا مصر .