(العيب والحرام)

العيب ده الاخلاق والحرام ده الدين ..ومفيش دين من غير اخلاق ..يقول رسولنا الكريم عليه صلوات ربي (إنما بعثت لاتمم مكارم الأخلاق )ويفه المولي عز وجل (انك لعلي خلق عظيم) وفي الكتاب المقدس ( مخافه الرب راس المعرفه اما الجاهلون فيحتقرون الحكمه والادب )سفر الأمثال ٧/١…. ويقول امير الشعراء احمد شوقي ..إنما الأمم الاخلاق ما بقيت ..فإن هموا ذهبت اخلاقهم ذهبوا …. اهالينا زمان كانوا عارفين الكلام ده كويس وعشان كده كان حاجز العيب عالي جدا ..عشان يصعب عليك الحرام ..عيب تقف في البلكونه بالفانله الحملات والشورت وتجرح جارك …عيب تقف وجارتك بتنشر ..عيب تعاكس جارتك ..عيب تشوف حد كبير اوست حامل واقفه في المواصلات وانت قاعد ..ولو البقال غلط في الحساب واداك فلوس زياده روح رجعها …وتعليمات كتير وجدار عالي بيتبني من القيم والأخلاق يصعب عليك الحرام. اه والله الحرام كان صعب قوي ..ولما جدار الخلاق انهار ..انهار معاه المجتمع ومبقاش فيه حياء (اذا لم تستحي فافعل ما شئت )صدق رسول الله صلى الله عليه وسلم…اللي احنا فيه دلوقتي نتيجه طبيعيه لانعدام الاخلاق مستغربين ليه ..احنا في القاع والله ..للأسف وصلنا ان الزوج بيصور زوجته تحت مسمي اليوميات (في المطبخ والحمام وغرفه النوم ..)ومداري وشها .. ..واحنا بنتفرج.. حمير وكلاب وقطط ..واحنا بناكل . دواء مغشوش واحنا بنشرب ..فساد وسرقه ونصب وغصب ..هو فاضل ايه من الموبيقات ما اتعملش (طبعا مش كل الناس..الا من رحم ربي وهم قليل )وثله من الاولين وقليل من الآخرين…..طبعا ناهيكم عن حكومه عاجزه في ابسط الاشياء (الرقابه) وقانون بيد قصيره لا تطول الا الفقراء والمستضعفين ..وتمييز فئوي..(يعني فئات بعينها ليها امتيازات في كل حاجه ..وانحدار أخلاقي رهيب ..وانقلاب المشهد الطبيعي لمشهد عبثي تصورا اللي بيتصدر المشهد (حوار بيكا وشاكوش و…. وتوافه الناس وعايزين النتيجه تبقي ايه غير القاع …رساله وعي من علي القهوه…ففروا الي الله