قصة تكتبها وترويها لكم:جيهان رمضان

عيناى ثاقبة فاحصة لشخص ما
انه امين
امين هو موظف وترقى منصب باحدى الشركات كان يتابع يوميا عمله باجتهاد ويتابعه كثيرون ويستشرونه فى كثير من الامور حتى تملكه الغرور بان ليس هناك احد يضاهيه .
كان يقضى اوقات عمله حتى ميعاد انصرافه ومحادثات هاتفية كثيرة ولكن ياتى وقت ليس فيه احد انه وقت فراغ امين يحادث نفسه كثير بالرغم من ان لديه اسرة يقول دائما انه لا يعيش ولكن ربنا كرمه بزوجة مثالية وثلاث بنات باختلاف اعمارهن ولكن اية من الجمال ولكن مع كل هذا وذاك يقول انه وحيد ويقوم امين يوميا بتصفح هاتفه لعل احد حادثه ليشغل فراغ وقته ولكن هذا وقت لا يتصل به احد وبدا مراجعة ارقام اصدقائه القدامى فاذا يمر برقم عامر نعم عامر لم يتصل به من مدة كبيرة
ويضغط على رقم عامر ويرن الهاتف وفالمقابل
الو :
الو:
مين معى :
ايه يا واد انت مش عارفنى
معلش كنت نايم ومش شايف الموبيل
انا امين
اذيك يا عامر
اذيك يا امين
انت فين يا ابنى
والله مرهق من الشغل وعندى مشاكل كتير
امين : مشاكل ايه الله يرحم ماكنتش بتشيل للدنيا هم
عامر : والله يا امين طلعان عينى باشتغل ليل نهار علشان اتجوز
امين : يا سيدى خد اجازة تعالى اشوفك
عامر : والله تعبان ونفسيتى وحشة
امين : ليه يا عامر فيك ايه انت اخويا
عامر : خطيبتى مش عايزة تكمل معى وانا باشتغل ليل نهار علشان اقدر اوفى طلباتها
امين : هات رقمها انا هاكلمها واصلح بينكم انا اخوك
عامر : مش عايز اتعبك معى والله كفاية مشغوليتك
امين : ما تقولش كده انت اخويا
وبعد الحاح من امين لعامر وافق عامر ان يعطيه رقم خطيبته
واتصل امين بخطيبة عامر فاليوم التالى
امين : الو
فالمقابل : الو
مين معى
امين : انا امين صديق واخو عامر اذيك يا انسة مها
مها : اهلا بحضرتك استاذ امين عامر كلمنى عنك كتير وكان نفسى اشوفك
امين : يارب يكون خير
مها : خير طبعا دء انت لو كنت اخوه ماكنش يتكلم عنك كده
امين : قصرت المسافة
مها : اى مسافة
امين: ممكن اقابلك واتكلم معك شوية
مها : فى ايه
امين : خير ان شاء الله ممكن اعزمك على فنجان قهوة فاى مكان يعجبك
مها : اوك نتقابل الساعة خمسة فى كافيه …..
امين : اوك هاكون فالميعاد موجود شكرا لك
مها : العفو واغلقت الخط
وفى تمام الخامسة وامين فانتظار مها وعند النظر لمدخل الباب فاذا بها تطل فثوب واناقة بارعة وجسم ممشوق واذا بامين ينظر اليها وكانه لم يرى امراة من قبل ونظراته تتفحص كل جزء بمها
مها : مساء الخير
امين : مساء النور انت عرفتنى ازاى
مها : من صورك انت وعامر
امين : ليه الفضايح ده يا عامر
مها : فضايح ليه انت شكلك حلو ومش اتغيرت كثير شوية شعر ابيض ليس بكثيف
امين : نسيت اقولك تشربى ايه
مها : احنا اتفقنا على قهوة
امين ينادى الجرسون ليحضر فنجانين قهوة ويتابع بنظراته الرمق لمها فهى فاتنة اكثر من اللازم
مها : هيه اين ذهبت
امين لا شىء
مها تحدث عامر عنك كثيرا وتمنيت لقائك
امين يارب يكون تكلم عنى بالخير
مها لو مش اتكلم عنك بالخير مش كنت جيت قابلتك
امين ندخل فالموضوع مالك زعلانة من عامر ليه
مها انا مش هاخبى عليك لانى مرتاحة لك مش عارفة ليه
امين قولى وانا هاحكم بينكم
مها عامر يهمل وجودى لا يفعل ما اريده
امين ازاى
مها البنات لها متطلبات ففترة الخطوبة ولكن لا اجد منها شىء من عامر
امين اهتمام مشاعر الاهم
مها انت فهمتنى من غير ما اتكلم ازاى
امين مش محتاجة مفهومية
واطلقت مها ضحكات عالية
امين باقولك ايه انت كده هتتاخرى ممكن تاخدى الاكونت بتاعى نتكلم على الفيس بالليل
مها اوك
وتبادل كل منهم الاكونت وانصرفا
وعندما ذهب امين لمنزله سارع بفتح حسابه على الفيس بوك للبحث عن حساب مها واذا به يجد ان مها ارسلت له طلب صداقة
واسرع امين بلهفة لقبول الصداقة وتصفح صورها على الفيس وما تكتبه حتى جاءت لحظة ان اضاء الضوء الاخضر لتظهر مها اون لاين …….يتبع