الحلقة الثالثة

ترويها لكم:جيهان رمضان

وحين اصبح الصباح ونهضت مها لتجد نفسها انها مازالت جالسة امام شاشة حاسبها والسماعات فاذنها والانبوكس مازال مفتوحا فاذا بها تقوم باعادة قراءة ما دار من حديث بينها وبين امين وتعيد رسم ابتساماتها وسماع الاغنية التى ارسلها لها فاذا بها تقوم بفتح صفحته الشخصية وتنزيل صورته من على حاسبها وارسالها لهاتفها الخلوى وتقوم بالنظر لصورة امين وتتفحص صورته وملامحه واذا بها تحادث نفسها .
مش معقولة
مش ممكن
ازاى الانسان ده كده
هو قدر ازاى يعرف الا جوايا من غير ما اتكلم
ازاى ما عرفتكش من زمان
واذا بطرقات على باب غرفتها وصوت يناديها
انها امها
امها ايه يا بنتى مش صحيتى بدرى ليه
مها معلش يا ماما مش قادرة اقوم
امها ازاى مش قادرة انتى فيك حاجة تعبك
مها ابدا بس كسلانة مش عايزة اروح الشغل
امها انتى كلمتى خطيبك كل شوية يتصل يسال عليك
مها معلش يا ماما بلاش نتكلم دلوقتى انا بادى لنفسى فرصة
امها طيب براحتك ماحدش هيغصبك على حاجة الله يرحمك يا عاطف لو كنت عايش كان زمانك شايل عنى بنتك طالعة دماغها ناشف ذيك
مها تقوم باحتضان امها من الخلف وامال راسها على كتف امها وتقول بذمتك يا ماما انا عسل ذى بابا كده دء بابا كان احن اب فالدنيا وتقوم مها بتقبل امها من خدها
امها انا نفسى يا بنتى اطمئن عليك وانتى فبيتك
مها مش تقلقى حتى لو اتجوزت على قلبك
امها طيب هاروح اعملك فطار
مها مش دلوقتى يا ماما عندى شوية حاجات هاعملها على الكمبيوتر وهابقى اقوم اجهز فطار
امها ماشى يا مها انا هانزل ازور خالتك لما تخلصى حصلينى
مها حاضر يا اجمل ام فالدنيا
امها ماشى يا اجمل بنت فالدنيا
وخرجت ام مها من غرفتها وارتدت ملابسها وغادرت المنزل ولازالت مها بغرفتها تتفحص صورة امين الذى شغل بالها كثيرا
وفى الجهة المقابلة امين ذهب لعمله ويقوم بما يقوم به كل يوم من مجالسة فلان وعلان واتصالات ومشاغبات بينه وبين زملاءه فالعمل والتدخل فمحادثات خاصة حتى لو كانت بين زميلاته فى ضوء الدعابة واذا باتصال يرتبك على اثره امين انه عامر صديقه يتصل به ينظر امين لشاشة هاتفه ويرتبك ماذا يفعل هل يجيب على اتصال عامر او يتهرب من الرد عليه ولكن يقوم امين بالرد على عامر
الو عامر
الو امين عامل ايه
امين ايه اخبارك يا صاحبى
عامر الحمدلله
امين انت كويس دلوقتى
عامر كويس الحمدلله امين انت اتصلت بمها
امين ايوة يا صاحبى كلمتها وباحاول اجمع ايه المشكلة بينكم ووجهة نظهرها
عامر يعنى ماعرفتش هى زعلانة ليه منى
امين ما تقلقش سيبها على وانا هاظبط الامور بينكم ان شاء الله معلش يا عامر هاقفل معك دلوقتى محتاجينى فالعمل
عامر اوك يا امين معلش شغلتك معى
امين ولا يهمك سلام دلوقتى
عامر مع السلامة
واقفل كلا منهم الخط ولكن عامر ينم عن صوته حزن دفين لما حدث له ولكنه تفاءل فصديقه الخير وقام باطلاق كلمات خافته يقول يارب يسر لى امورى
اما امين فقد قام باطلق زفير عميق عند اغلاق هاتفه وتبرقت عيناه اثر هذه المكالمة الثقيلة على قلبه واذا به وهو ينظر لهاتفه يقوم بفحص مكالمته لياتى امامه رقم مها ويسال نفسه هل اقوم بالاتصال بها ام انتظر حين اذهب للمنزل لحين افتح النت واحادثها ماذا افعل وبين حيرة امين اذا بهاتفه يرن ويظهر اسم مها امامه فيبتسم امين ابتسامة غامضة ويقوم بعد عدة رنات بالرد على الهاتف
امين الو
مها الو استاذ امين
امين مش قلنا بلاش استاذ والا ازعل
مها معلش اتعودت شوية
امين غيرى التعود معى لانك هتلاقينى مختلف
مها فعلا انت مختلف
امين انت رحتى العمل
مها لا ابدا كسلت النهاردة
امين ماشى يا كسلانة الكسل احلى من العسل بس مش هيبقى احلى من مها
مها تطلق ضحكات ههههههههههههههههه
امين ما اجمل ضحكاتك
مها شكرا مجاملة حلوة منك
امين مابعرفش اجامل صدقينى حتى لو بصيتى فمرايتك هتصدقينى انك جميلة لما تضحكى واسالى مرايتك
مها ترتبك ويحمر وجها سريعا وتعتذر لامين انه لابد ان تسارع فالذهاب لخالتها وتنهى المكالمة
مها تنظر لمراتها واذا بقلبها يخفق سريعا من كلمات امين وتسال نفسها من هذا الانسان الذى فى يومين اعطى لها كل هذه السعادة بعدما رحل والدها لم تضحك هكذا سؤال يليه سؤال وتتذكر مها والدتها التى بانتظرها عند خالتها فتسرع بارتداء ملابسها والذهاب لخالتها وعند الذهاب لخالتها فاذا بخالتها تستقبلها بالاحضان والقبلات وتنظر خالتها لوجه مها وتقول لها بسم الله ماشاء الله وشك مبسوط اوى فترد مها ايه يا سعاد انتى هتحسدينى
خالتها سعاد كده من غير خالتو ماشى يا مها علشان انتى بنت الغالية مش هارد عليك ماعرفتش اربيكى كويس
مها تتدلع على خالتها وتقول لها ما انتى الا ربيتنى عاتبى نفسك يا سعاد
سعاد تطلق ضحكات وتقول لها انتى حبيبتى وبنتى الا مش خلفتها ادلعى ذى ما انتى عايزة
وتترك مها خالتها وامها لاحاديثهم الجانبية وتاخذ جانب من الجلسة لوحدها وتتفحص هاتفها وتاتى بصورة امين وتنظر اليها بعض الوقت وتقوم بفتح النت من على هاتفها واذا بها تجد امين قام بارسال صورة بها باقة ورد وكلمة مساء جميل لاجمل من الورد فترتبك مها مما رات واذا بها تلاحظ مؤشر الكتابة انه امين يكتب لها ما تفعل وظهرت على خدها حمرة شديدة مما يجعل والدتها وخالتها يلاحظوا ذلك فتقوم سريعا باغلاق النت والتدخل فاحاديث والدتها وخالتها وتحاول شغل فكرها بما يقولون ولكن دون جدوى اذا بصورة امين امامها وما دار بينهم من احاديث الليل يدور امامها ثم تقوم مها …….يتبع