بقلم الشاعر والملحن الموهوب : إسماعيل عبد العليم

عكاز وكام خطوة مش محسوبة 

ورعشة إيد ودعوة لرب مش مردودة          

وكام كلمة بحروف تايهة مع عكاز وكام خطوة مش محسوبة 

ورعشة إيد ودعوة لرب مش مردودة          

وكام كلمة بحروف تايهة مش مفهومة 

وحنية ضهر من أيام مهيش مفرودة 

خطوط كترت في كل مكان .. بتحكي حكاية من أزمان … لطفلة وشابة وفي شيبة .. وواخدة من الإله طيبة… 

 لقيت عمري علي وشك ..مجرد يا امه. تجعيدة

عكاز وكام خطوة مش محسوبة ورعشة إيد ودعوة لرب مش مردودة.. وكام كلمة بحروف تايهة مش مفهومة ..

وحنية ضهر من أيام مهيش مفرودة …خطوط كترت في كل مكان .. بتحكي حكاية من أزمان 

 لطفلة وشابة وفي شيبة .. وواخدة من الإله طيبة 

 لقيت عمري علي وشك .. مجرد يا امه تجعيدة 

عكاز بيحبي معاك م الأول .. كإنك طفلة مولودة ..  يميل بيك  ..  يقع بيك. .. لكنك لسه موجودة 

مفيش غيره ال باقي معاكي.. بيسمعلك..  بقي شبهك..  بقي حكايتك وموالك.. بيعمل ذكريات وياكي  ..  عشان في بكرة يحكيها .. وتبقي أحلي حدوته 

أنا العكاز ال في إيديكي.. أنا ساندك  وأنا سندك… عشان حبك …أنا ال عمري بعيشه تحت رجليكي

أنا سرك ..   وأنا سترك .. أنا اللي كونه ما يسوي دمعة متحاشة في عنيكي…

انت يا امه بنتي وامي .. وانا عكازك طول ما روحك لسه موجودة .. و هحبي معاك م الأول كإنك لسه  مولودة.